|
|
马上注册正妹帐号
您需要 登录 才可以下载或查看，没有账号？立即註冊
x
乃木坂新星 山下美月寫真銷量歷史第二
隨住西野七瀨卒業、白石麻衣即將卒業，出名靚女多嘅日本女團「乃木坂46」近來甚有改朝換代嘅感覺，尤其白石麻衣被譽為團體中顏值第一、絕對王者，佢嘅離去意味住團體要搵人頂替佢嘅位置，而呢個人，好有可能就係近日推出第一本寫真集就大受歡迎嘅山下美月！今年20歲嘅山下美月於2016年通過甄選成為乃木坂46嘅三期生，其後人氣穩步上揚，選拔中亦多次佔據前列「福神」位置。到今年滿20歲就推出首本寫真集《不能忘記的人(忘れられない人)》，去到巴黎取景，即使同一日有另一美女今田美櫻推出個人第二本寫真集，甚至綾瀨遙都推出寫真旅遊書，但山下美月嘅寫真預售已經超過17萬本，首週銷量10.6萬本，成為Oricon暢銷書冠軍，亦係藝人寫真集首週銷量歷史亞軍，成績非常理想。嗱講真，如果大家睇寫真集係追求身材及養眼程度，山下美月呢本就未必係你杯茶，但佢勝咗個人夠可愛又有氣質，係典型嘅美少女，尤其個笑容的確係幾治癒，係GFable之選！
yamashitamizuki1st on Instagram |
|
发表于 2020-2-22 13:39:57
變色卡